info@aries.com.mk + 389 47 22 41 55 + 389 47 22 41 56 +389 72 22 81 55

Свети Василије Острошки – Манастирот Острог во Црна Гора место на вербата и чудата

Манастирот Острог е манастир кој се наоѓа на речиси вертикална карпа, високо на планината Острошка греда во Црна Гора. Овој манастир е посветен на Свети Василиј Чудотворец и се наоѓа во близина на Никшиќ, со спектакуларен поглед на Бјелопавличи.

Манастирот Острог во текот на целата година е најпосетеното светилиште во Црна Гора, а после Христовиот гроб и Светата гора, ова е третото најпосетено светилиште во светот од страна на христијаните. Го основал Херцеговачкиот митрополит Василиј (1610-1671) во 17. век.

Овој манастир е обновуван во периодот од 1923 до 1926 година, веднаш после пожарот кој се случил во манастирот при кој делумно биле поштедени пештерските цркви. Во Острошкиот манастир  доаѓаат и сиромашни и богати од целиот свет да најдат мир и лек за душата… Манастирот е вдлабнат во карпа, па така нуди величенствена и импресивна глетка.

ostrog (7)

На околу 3 до 3,5км. одалеченост, во долниот дел од Острог се наоѓа женскиот манастир во кој живеат неколку монахињи, а во горниот машки манастир, се наоѓа кивотот со моштите на св.Василиј Острошкиот-Чудотворец, а за посетителите, монасите како благослов даруваат по едно шише света вода и по едно шише свето масло.

ostrog (1)

Во манастирите се наоѓаат прекрасни конаци каде може да се престојува. Острошкиот манастир е место за оние кои бараат спокој и тишина, за оние кои бараат некаков лек, за оние кои имаат цврста вера, за оние кои веруваат во чуда…

ostrog (3)

За чудата и моќта на овој светец и самиот манастир се говори надалеку, па затоа и посетителите се од насекаде низ светот.

Едно од поголемите чуда, кои науката се уште не може да ги објасни и виновата лоза која расте во самиот манастир и излегува од средината на самата карпа. Се вели, оваа лоза се појавила на истото место и во истиот ден кога св. Василије Острошки починал.

Лозата излегува од карпата и расте над самото место кое е обележано како местото на кое тој починал. Нема вода или извор од каде таа се наводенува, едноставно таа сама живее.

Многу жени раскажуваат декаа токму плодовите на оваа лоза им помогнал да зачнат живот, отакако изгубиле надеж дека некогаш ќе бидат мајки.

Преданијата велат дека, после седум години од смртта на Светецот на тогашниот игуман на манастирот Свети Лука во Парохијата во близина на Никшиќ, често му се појавувал во сон, велејќи му да појде во манастирот и да го отвори неговиот гроб.

Кога тој одлучил да појде и да се отвори гробот на Св. Василије, неговото тело било пронајдено неоштетено, дури и се уште мирисало на восок.

Оттогаш, неговите мошти се изложени во ковчег во самиот манастир, каде стојат до ден денес. Покриени со ќебе, на кое има поставено икона, секој посетител може да се приближи до него и да ја каже својата молитва.

ostrog (2)  ostrog (6)

Што се раскажува во  „Одисеја“ од Хомер

Одисеј и неговите кораби после Тројанската војна заминуваат за дома и  пловат кон Итака но патот постојано им го попречува Посејдон-богот на морињата, затоа го губат патот и стасуваат до островот Огига на нимфата Калипсо. Taa се вљубува во Одисеј и го држи на островот 8 години;

Следува случката со киклопот Полифем во чија пештера ќе се засолнат Одисеј и неговите војници, но кога Полифем се враќа со своите овци во пештерата  ќе се  разбесни и ќе изеде двајца од нив.Одисеј ќе му го ископа окото и ќе успее со својата дружина да избегаат криејќи се под овците кои Полифем ги допирал кога излегувале од пештерата;

– коработ доаѓа до островот Еол на островот на богот на ветровите, тој ќе ги затвори сите ветрови во една мешина , само ќе го остави мирниот Ветер Зефир да му помогне на Одисеј да се врати  дома. Но морнарите не знаејќи ќе ги ослободат сите ветрови и патешествието продолжува;

– следуваат случките на местото на  средбата на морето со океанот.Таму  бил влезот во подземниот свет и Одисеј ќе се сретне со сите големи јунаци кои биле во Адот (подземниот свет), а потоа ќе продолжи кон Итака;

– следува минувањето крај островот на морските сирени кои со своите песни ги намамуваат морнарите со цел да ги насукаат нивните бродови, но и овојпат со мудроста на Одисеј (ги затнуваат ушите со восок)успеваат да се спасат;

– следува минувањето покрај две големи карпи на кои биле чудовиштата Сцила и Харибда кои ќе убијат неколку другари на Одисеј;

– поради немањето храна ќе заколат неколку говеда на богот Хелиос поради што ќе им биде уништен коработ, а ќе преживее само Одисеј;

– конечно стасува во Итака, но гледа дека во неговата палата владее хаос од додворувачи, кои се обидуваат да ја освојат  неговата жена Пенелопа.таа била принудена  со сила да се омажи за некој од нив.Верната сопруга долго го одложувала тоа.Одисеј ќе се преоблече како питач, ќе влезе во палатата и ќе и претскаже на Пенелопа (која не го препознала) дека нејзиниот маж е жив. Таа ќе нареди слугинката да му ги измие нозете и тогаш  ќе гопрепознае по белегот на ногата.

Утредента е натпреварот помеѓу додворувачите во фрлање стрела од лакот на Одисеј, но никој освен самиот тој не ќе може да го оптегне лакот.На тој начин тој ќе ги победи , а потоа и ќе ги  убие со неговиот син. Конечно  по 20 год. отсуство среќно ќе си живее во  своето кралство.

Доживејте дел од митологијата на јонските острови. Погледнете ја програмата за Лефкада-Кефалонија и Итака.

https://aries.mk/package/8miseptemvrikefalonia/

Како еден од најголемите острови во јонскиот архипелаг, Кефалонија воедно претставува и еден од најинтересните острови во јонското море. Главен град на островот е градот Аргостоли, во кој воедно живее и една третина од тамошното население. Тој е одлично поврзан со сите негови делови и туристички места кои ги има на сите страни од островот. Претпоставките за потеклото на името на островот, водат од истоименото митолошкото суштество “Кеафалус”, преку обликот на самиот остров, па се до самиот факт кој вели дека тоа од секогаш претставувал главен остров на оваа група на острови.
Неговата површина зафаќа 904 км2 на која денес живеат околу 40.000 жители. На исток од Кефалонија се наоѓа познатиот остров Итака кој е одделен од него со природен морски канал во должина од 9 км и широчина од 2 до 5 км, на југ е островот Закинтос, а на север веќе познатата Лефкада.
[​IMG]

Климата на островот е средоземна со долги и топли лета и благи и дождливи зини. Рељефот е воглавно карактеристичен со брдовит и стрмен предел и со не многу изобилна вегетација. Главна карактеристика се сепак убавите ували и заливи кои образуваат прекрасни и песокливи плажи. Плантажите со маслини, винова лоза, агруми и овошје се најубавите надополнувања на природно убавите предели. Археолошките локалитети сведочат за неговата богата историја која датира уште од античкото време – Микена, Римското царство, Византија, па се до Турција и владеењето на Венеција. Владеењето со островот во крајот на 18 век и припаѓало на Франција, а последни со него управувале Британците се до ослободувањето и припојувањето кон Грција во 1864 година. Меѓу најпознатите туристички места на Кефалонија, освен градот Аргостоли, на западната страна се издвојува и градот Ликсури, на Северната страна е градчето и пристаниште Фискардо, а на неговата југоисточна страна се можеби и најубавите места со песочни плажи Скала и Порос. Градот Порос е всушност и најблиската точка и поврзување со копното на Грција и со Пелопонез до кој директно се одвива траектната линија од пристаништето Килини.
[​IMG]

Мноштвото објекти за сместување центарлната поставеност која му дава непосредна близина до сите побитни места за посета и прошетки низ островото, гратчето Порос го карактеризираат како идеално место за престој и запознавање со островото. За време на престојот, задолжително, освен споменатите туристички места, би требало да се посетат и познатите локалитети како: големата пештера со прекрасните дела на природата исцртани во вековните фигури од сталагнити и сталактити, подземното езеро Мелесанина во Пановата пештера, плажата Миртос… а секако и блиските остови Итака и лефкада.

Пештерата Melissani На само два километри од местото Сами, се наоѓа далеку познатата пештера Мелисани, чие подземно езеро ги остава без здив илјадниците посетители – туристи. Позната и опишана во митологијата како “пановата пештера” и денес со својата мистичност ги плени нејзините посетители.
[​IMG]
Пловењето со изнајмените чамци на весла низ нејзината внатрешност, додека погледот постојано е упатен кон големиот отвор на нејзиниот свод, впечатокот за нејзината таинственост целосно го врежува во сеќавањата на истражувачите.

Пештерата Drogarati
Овој природен феномен е дотолку поголем и поспецифичен, кога ќе се земе в предвид дека се наоѓа на едно од најужните острови во Европа. Дури и надворешните горештини во летниот период не го менуваат чувството на студ и подземна свежина со која се карактеризира оваа пештера. Впрочем ни многубројните фигури на Сталагнити и Сталактити не би опстанале, доколку изолацијата и внатрешноста на земјата не ги сочувале низ илјадниците години.

Прошетката низ пештерата е секако незаменливо искуство.

Плажата Mirtos
Прекрасно дело на природата. Засечена низ високите брегови на западната страна од островото, тешко пристапна низ тесниот и со живописна панорама кон морскиот хоризонт извиткан асфалтен пат, плажата Миртос претставува вистиско откритие. Нејзиното тиркизно море, белиот песок и белите бранови, стануваат видливи уште при самото нејзино лоцирање гледајќи од висината на стрмните гребени. Чувството на стравопочит кон оваа игра на природата, станува издржливо со самата желба која се јавува за што поскоро стигнување до неа. Миговите кои се доживуваат во овој природен спој на морето и копното се едноставно речено нераскажливи.
[​IMG]

http://aries.mk/package/8miseptemvrikefalonia/

Почитувани клиенти,

повелете информација за најновите измени при аплицирање за Канадска виза.

Новата услуга со која ќе се земаат биометриски податоци за секоја апликант ќе чини 75 канадски долари по лице, а ќе мора да се закажи термин во виза центарот во Скопје.

Битни информации

  • Важно ажурирање на процесот за биометриска регистрирација, кој стапува на сила од 31 јули 2018 година. Од 31 јули 2018 година можеби ќе треба да ги дадете вашите отпечатоци од прсти и фотографии (биометрика) во Виза Центарот за апликација кога ќе аплицирате за Виза за Привремен Престој, ДОЗВОЛА ЗА СТУДИСКИ ПРЕСТОЈ, Дозвола за Работа или ПАТНА ИСПРАВА ЗА ПОСТОЈАН ПРЕСТОЈ ако сте државјанин на земја или територија во Европа, Блискиот Исток или Африка, или ако сте државјанин на земја кадешто е веќе потребна биометрија.
    • Апликантите за Виза за Привремен Престој, ДОЗВОЛА ЗА СТУДИСКИ ПРЕСТОЈ, Дозвола за Работа треба да направат биометриска регистрација еднаш на секои 10 години; а оние кои веќе имаат обезбедено биометриска регистрација исто така имаат корист од оваа иницијатива.
    • Апликантите за ПАТНА ИСПРАВА ЗА ПОСТОЈАН ПРЕСТОЈ треба да направат биометриска регистрација со секоја апликација.
    • Од сите кандидати се бара да ја приложат најновата верзија на формуларите за апликација и соодветната листа за проверка која е достапна на интернет страната на ИРЦЦ.
    • Поднесете ја лично вашата апликација

      Забелешка: Ефикасно, на 31 јули 2018 година можеби ќе треба да ги дадете вашите отпечатоци од прсти и фотографии (биометрика) во Виза Центарот за апликација кога ќе аплицирате за виза за привремен престој студентска или работна дозвола или дозвола за постојан престој ако сте државјанин на земја или територија во Европа, Блискиот Исток или во Африка, или ако сте државјанин на земја која е веќе потребна биометрика.

      Апликантите за студентска дозвола и дозвола за привреме престој треба да направат биометриска регистрација еднаш на секои 10 години;

      • Сепак, апликантите за виза за постојан престој ќе треба да направат биометриска регистрацијасо секоја апликација.
      • Доколку сте аплицирале за студентска или работна виза во минатото и не сте сигурни дека биометриката е обезбедена, ве молиме погледнете ја веб-страницата на IRCC  и дознајте дали вашата биометрија сеуште важи.
      • Погледнете ја веб-страницата на IRCC за листа на земји што бараат виза за привремен престој
      • За целите на биометриското регистрирање, националноста е заснована на националноста што ја пријавивте во прашање број 6 (* државјанство) во образецот за пријавување на ИРЦЦ.
      • Апликантите кои поднеле апликација преку Интернет на ИРЦЦ мора да достават биометриско писмо за да направат биометриска регистрација на своите податоци. За да дознаете повеќе за биометриката посетете ја веб-страницата на IRCC
      • Кандидатите кои аплицираат лично во ВАЦ не треба да достават биометриско писмо за инструкции.
      • Државјани од Европа, Африка и на Блискиот Исток и оние кои се веќе биометриски потребни од Азија и Америка само треба да обезбедат биометрика еднаш на секои 10 години за привремени виза, студентска или работна дозвола. Сепак, овие кандидати за постојан престој ќе треба да направат биометриска регистрација без разлика дали во минатото дале биометрика.

      Чекор 1 :

      Прочитајте ги целосните барања за виза/дозволи на веб-страницата на одделот за Државјанство и Имиграција на Канада (ДИК) и превземете ги соодветните формулари и листи за проверка релевантни со целта на вашата посета.Ве молиме пребарувајте на страницата – Подгответе ја вашата апликација за да ги добиете деталите за визите/дозволите.

      Чекор 2 :

      Пополнете ги формуларите и другите релевантни документи. Формуларите ( вклучувајки ги и листовите со баркодовите) треба да се испринтаат на бела, со силен квалитет, несјајна хартија, и воедно да се кроисти ласерски принтер.

      Доколку не сте во можност да ги обезбедите сите пропратни документи наведени во официјалниот документ лист за проверка на Државјанство и Миграција на Канада, ќе ви биде побарано да пополните и потпишете формулар за ослободување од одговорност и да го приложите со вашата апликација

      Доколку не обезбедите потполнет и потпишан формулар за ослободување од одговорност тоа може да предизвика задоцнување или одбивање на вашата апликација за виза, дозвола или патен документ.

      Ако не сте во состојба да им обезбеди на сите придружни документи на како што е споменато во официјалниот документ КИЦ список, ќе се бара да ги пополните и потпишете формуларот на откажување и прикачете со вашата апликација форма

      Неуспехот да се обезбеди пополнет и потпишан формулар за откажување може да резултира со дополнителни одложувања или одбивање на вашето барање за виза, дозвола или патна исправа.

      Чекор 3 :

      Прочитајте ги правилата за заштита на приватност, пополнете го ЦВАК фомуларот за согласност и прикачете ги на вашата апликација.
      ВАЖНО: Доколку завршениот и потпишан формулар за согласност на ЦВАК не е вклучен во барањето, не би можеле да ви помогнеме, и би биле обврзани да ви го вратиме барањето.

      Чекор 4 :

      Платете ги надоместоците за услугите за виза и биометриски податоци, ако е потребно, врз основа на инструкциите на веб страницата на ДИК

      Ве молиме имајте во предвид дека при поднесувањето на апликацијата преку ЦВАК, лично или преку пошта, трошоците за виза мораат да бидат однапред платени на ЦВАК ( ИОМ)

      Чекор 5 :

      Посетете го локалниот Центар за Апликации за Виза за Канада, донесете го пасошот, фотографии, пополнети формулари и сите придружни документи кои се наведени во листата за проверка и ДИК инструментот и условите за плаќање. Ќе се наплатат предвидените трошоци. Ве молиме осигурајте се да го понесете прифатениот на начинот на плаќање.

      Важно: Ако треба да ги дадете вашите биометриски податоци, ЦВАК ќе ги земе вашите биометриски податоци во исто време кога ќе ја поднесете вашата апликација. Во овој случај НЕ ЈА ПОДНЕСУВАЈТЕ вашата апликација по пошта до ЦВАК.

      Чекор 6 :

      Во моментот кога сте во ЦВАК, платете ги надоместоците за услугите, поднесете целосно барање и земете сметка. Оваа сметка содржи уникатен идентификационен број за следење кој е потребен за следење на напредокот на вашето барање на интернет.

      Важно: Ако треба да обезбедите биометриски податоци, биометрискиот надоместок од 85 CAD (канадски долари) го покрива и ЦВАК надоместокот за апликациониот процес.

      Ако сакате да патувате во Канада за други цели освен бизнис или задоволство, од вас се бара да аплицирате за виза во вистинската категорија, како што се студијата или привремената работа.

      • Посета како туристичка
      • Посетете ги вашите деца или внуци
      • Посета на бизнис
      • Проширете го вашиот престој
      • Патувајте низ Канада без посета
      • Носете соодветна идентификација?
      • Треба помош?

         

 

СИТЕ ПАТИШТА ВОДАТ КОН РИМ….

”Вечниот град“, ”Градот на седум ридови” или “Престолнината на светот” е всушност една од најатрактивните и најпосетени европски дестинации. Создавањето на Рим е обвиткано со магла од легенди, па без обзир на тоа колку ни делува нестварно, денеска најблиска ни е Легендата за Ромул и Рем и Волчицата која ги одгледала на Палатино, едно од седумте Римски брда. Според неа, Ромул откако го убил Рем, ги пронашол ѕидините на напуштениот град на брегот на реката Тибар и му дал име Рим. Ова се случило на 21 април 753 год, пред нашата ера, па со право градот го носи името Вечен град. Рим е културно-историски центар на Италија и Европа, а стариот дел на градот е вистински музеј на отворено исполнет со остатоци од древни згради, триумфални капии, плоштади со фонтани, Цркви и Катедрали и познатиот Колосеум кој е најголемиот амфитеатар воопшто изграден во Римското Царство. Овде е навистина премногу тешко да се одвои она што мора де го видите, но сепак ќе ги спомнеме најинтересните и најважни знаменитости. Не пропуштајте ја посетата на Ватикан, на Колосеумот, Црквата Св. Петар, Шпанските скали, Виа Венето и секако фрлете паричка во фонтаната Ди Треви со желба повторно да дојдете во овој град кој ќе ви остане во незаборавно сеќавање.

 

Програма на патување

25 Мај (петок)         СКОПЈЕ – РИМ
Состанок на групата на скопскиот аеродром во 11:40 часот. Лет за Рим (W6 7757) во 13:40ч. Пристигнување во Рим во 15:25 часот. Трансфер до хотелот со попатно панорамско разгледување на градот: Виа Венето, Шпанските скали, Олтарот на мирот, плоштадот Венеција, Римскиот форум, Виа Дел Корсо, Колосеумот, мостовите на Тибар, црквата Св.Петар, Фонтаната Ди Треви… Сместување и слободно време за индивидуални активности.  Ноќевање.

26Мај (сабота)     РИМ – ВАТИКАН
Појадок. Факултативна посета на Ватикан. Разглед на Сикстинската капела, Ватиканските музеи, црквата Св.Петар… По разгледот, препорачуваме прошетка преку Мостот на Ангелите до плоштадот Навона, познат и како уметничка четврт на Рим. Можност за краток одмор со уживање во вкусот на италијанското кафе. Посета на Пантеон, храмот на сите богови – денес најпознатата римска црква. Слободно попладне за индивидуални прошетки. Вечерта можност за вечера во национален ресторан со мени од италијанската кујна. Ноќевање.

 27 Мај (недела)     РИМ – ТИВОЛИ
Појадок. акултативна посета на местото Tиволи. Прекрасната Villa D’Este и нејзината градина се наоѓаат на листата на светското културно наследство под заштита на UNESCO. Со импресивните петстотини фонтани, во ликот на нимфи, пештери, игри со вода и музика, претставува копиран модел на најпознатите Европски градини во маниристички и барок стил. Враќање во Рим. Слободно време за индивидуални активности и прошетки. Можност за пријатна прошетка (со метро) низ Рим, со посета на катедралната црква посветена на Св.Павле, како и на црквите Сан Џовани Латерано, Санта Марија Маџоре, Сан Пјетро ин Винколи, црквата Сан Клементе со капелата и гробот на Св. Кирил… Слободно време за индивидуални прошетки.Ноќевање.

28 Мај (понеделник)         РИМ  – СКОПЈЕ
Појадок. Појадок. Напуштање на хотелот и слободно утро за индивидуални прошетки. Трансфер до аеродромот во Рим. Лет за Скопје (W6 7758) во 16:00ч. и пристигнување во 17:35 часот.Ноќевање.

Hotel 3* / 4*

Термин

25.05 – 28.05.2018 (Петок-Понеделник)

Услуги

BB (Ноќевање со појадок)

Денови / ноќевања

4д / 3н

Цена на Пакет Аранжман по Лице во 1/2 соба за рана резервација до 10.04:

399 € / 24.738 мкд

Цена на Пакет Аранжман по Лице во 1/2 соба

449 € / 27.838 мкд

Доплата за еднокреветна соба:

100 € / 6.200 мкд

ЗА РЕАЛИЗАЦИЈА  НА АРАНЖМАНОТ ПОТРЕБЕН Е МИНИМУМ ОД 20 ПАТНИЦИ
Плаќањето ќе се врши исклучително во денари по курс од 62мкд за 1

Забелешки

ВО ЦЕНАТА НА АРАНЖМАНОТ Е ВКЛУЧЕНО:         

  •  Авионски превоз: Скопје – Рим – Скопје (Wizz Air)
  •  Аеродромските такси во Скопје и Рим
  •  Oрганизирани трансфери во Рим: аеродром – хотел – аеродром
  •  Сместување во хотел 3*/4*, на база 3 ноќевања со појадок
  •  Организиран панорамски разглед на Рим со водич
  •  Голема кабинска торба (55x40x23), максимум 10кг.
  •  Организација на аранжманот и придружник на патувањето

ВО ЦЕНАТА НА АРАНЖМАНОТ НЕ Е ВКЛУЧЕНО

  •   Посета на Ватикан со вклучен водич, резервација, слушалки и влезница 45€
  •   Посета на Тиволи со вклучен трансфер, водич и влезница 55€
  •   Задолжително патничко осигурување
  •   Задолжителна такса , 4 Еур по лице на ден  во Хотел 3*; 6 Еур по лице на ден во Хотел 4* (се плаќа на рецепција во хотел)

 

 Забелешки:

  •    За резервации потребен е аванс од 30% од вкупнот износ на аранжманот;
  •    Целосна уплата, десет дена пред започнување на аранжманот;
  •    Организаторот на патувањето го задржува правото, да ја промени и цената на аранжманот;
  •    Доколку не се оствари минималниот број на патници, Организаторот го задржува правото да го откаже или да ја зголеми цената на аранжманот како и цените на факултативните излети;
  •   Организаторот на патувањето го задржува правото, во случај на промена на цената на превозот (авионските билети), да ја промени и цената на аранжманот;
  •   Агенцијата го задржува правото за отказ на аранжманот 7 дена пред патувањето.

 

   Лефкада  претставува многу повеќе од прекрасен остров со светски познати плажи. Начинот на кој овој остров е тесно поврзан со копното преку насип и пловечки мост и дава огромна предност на Лефкада во однос на останатите острови во Јонското море како Кефалонија и Закинтос кога станува збор за патување на овие острови.

Оваа тесна поврзаност имала огромно влијание врз животот, историјата и културата во Лефкада, а резултат на тоа е целокупниот спој на култури од соседните острови и регионалното копно.

За вас ги издвоивме следниве 5 причини кои сигурно ќе го исполнат и разубават вашиот престој во овој прекрасен остров на Јонското Море, и ќе ве натераат да се вљубите во Лефкада.

1. Уживање на плажите во Западниот брег

Нема доволно зборови со кои може да се опише колку е убав западниот брег на Лефкада. Плажи од речиси бел песок, спектакуларни карпи, тиркизно море и смирувачко зајдисонце.

За да стигнете до Порто Кацики и Егремни, двете најпознати плажи на Лефкада, ќе треба да се спуштите 100 чекори надоле за Кацики и 300 чекори за Егремни.

На западниот брег исто така се наоѓаат и Пефкулија, космополитенската Катшисма со бројните бич барови, Агиос Никитас која е разубавена со развиено но традиционално село. Овде се и изолираната Милос до која се стигнува за 20-тина минути, Гиалос, Каваликефта, лоцирана надвор од селото Каламици, и Мегали Петра заедно со Авали до кои е полесно да се стигне а се еднакво атрактивни како претходните.

2. Капење под Димосари водопадот

Димосари водопадот, чија висина е 15 метри, е едно од најубавите изненадувања на Лефкада. Лоциран е во клисурата која го носи истото име над крајбрежјето Нидри, а до него се стигнува со 15-минутно прошетка под чинари покрај реката која е зачинета со импресивни карпести форми одоколу.

Иако течението на водопадот не изгледа многу потентно во летниот период, сепак ладниот базен од вода кој се формира под водопадот е секогаш убаво искушение. А пак малото кафуле на почетокот на патеката е бонус.

3. Откривање на заливи и островчиња на Источниот брег

Богатото зеленило на патот надоле до морето, на заливите, и на островчињата е она што го краси источниот брег на Лефкада. Пристаништето во космополитскиот Нидри и големиот природен залив во блиското Влихо се најпопуларни почетни точки.

Директно спротивно од Влихо, комплексот Гени е добро чувана тајна на Лефкада. Овде се бројните таверни со маси поставени до столбовите, а местото е совршено за оние кои сакаат едрење.

Познатата група од острови ПригипонисиаМадури, Спарти, Скорпиос и Скорпиди – како и малите населени острови Меганиси, Каламос и Кастос кои фунционираат во општинска заедница заедно со Лефкада се создадени за убави екскурзии.

4. Посета на Панагија Фанеромени и останатите манастири

Панагија (Девица Марија) Фанеромени е единствениот потполно функционален манастир на Лефкада, а лоциран е над главниот град. Панагија е заштитникот на островот и многу од жителите на Лефкада го одбираат ова место за крштевање на нивните најмили.

Ако пак ве интересираат и останатите напуштени манастири, трите најсочувани примери кои треба да се погледнат се Кокини Еклисиа (Црвената Црква), блиску до Платистома, Асомато Арханџело Михаил во Вафкери, и Ал-Џианис Серникарис во Вурника. До сите три се стигнува по земјен пат.

5. Јадење на Мандолато и Салами и пиење на Розоли

Локалните салами и прочуеното мандолато (чоколатце со бадеми, мед и целуфки) се високо препорачани локални кулинарни ѕвезди на Лефкада. Влажната клима на островот е совршена за производство на салама, а италијанскиот метод на подготовка се вели дека овде е започнат од трговец кој дошол на Лефкада од Паксос, Буранели, остров во Венециската Лагуна.

Мандолато чоколатцето пак своето постоење им го должи на локалните бербери, за кои се вели дека во минатото ги произведувале зад нивните берберници за поубаво да си го исполнат слободното време меѓу муштерии.

Исто така, напијте се и од прочуеното локално розоли, ликер направен од цимет и портокал. Исто и за овој рецепт, се верува дека на островот е донесен од Венецијанците.

 

Дивиот и егзотичен карактер на Лефкада отсликан на нејзиниот западен брег е совршено избалансиран со спокојниот источен брег кој пак е исполнет со прекрасни заливи и мали острови.

Овде можете да уживате и во останатиот широк спектар од добра храна од свежа риба до фригадели (традиционално локално мезе), можете да уживате слушајќи кантати (традиционални серенади со италијански шмек) и грчка народна музика, да откривате клисури и напуштени манастири, да ги видете легендарните р’тови и светски познатите плажи, да се восхитувате на неконвенционалната употреба на железо во главниот град како екстериорен дел на горните катови од зградите, и да уживате во разни фестивали и културни настани враќајќи се со убави сувенири и прекрасни спомени.

 

24-мај во Пирин Голф Спа 5*

4 Дена/3 Ноќевања
24/05- 27/05

24мај (четврток)  БИТОЛА-БАНСКО

Состанок на групата во 05.00 часот пред спортската сала Битола . Патот води преку Битола,Прилеп кон Банско со попатни застанувања поради одмор и царински формалности. Попатна посета на комплексот ,, Рупите,, кој се наоѓа во југозападна Бугарија на 8 км од Петрич , каде Баба Ванѓа ги поминала последните години од животот. Тука се наоѓа и незјзиното вечно почивалиште и црквата Св.Петка.Посета и разглед на најмалиот и најживописниот град во Бугарија – Мелник, познат по виното и автентичен по архитектурата и мелнишките пирамиди, како и по Кордопуловата куќа најголемата автентично зачувана куќа на Балканот од 19 век.Посета на Роженскиот манастир 13 век посветен на раѓањето на Пресвета Богородица и гробот на Јане Сандански. Продолжуваме кон хотел Пирин Голф Спа 5 *. Сместување. Можност за релаксација во најголемиот Спа центар во Банско и пошироко, бесплатно користење на внатрешен базен, користење на надворешните базени, сауни, парни бањи, фитнес, лакониум, соба за релакс … расположен на 5500 квадратни метри.

Вечера. Ноќевање.

25 мај (петок) БАНСКО

Појадок. Слободно претпладне за индивидуални активности и прошетка низ улиците на атрактивното скијачко место Банско – со специфична традицонална архитектура и многу меани и дуќани за сувенири. Слободно време за одмор и прошетка низ комплексот, користење на СПА центарот, индивидуални активности.Вечера.Ноќевање.

26 мај ( сабота ) БАНСКО

Појадок. Уживање во комплексот. Слободно време. Можност за посета на Разлог. Вечера.Ноќевање.

27мај (недела) БАНСКО-БЛАГОЕВГРАД-ПРИЛЕП,БИТОЛА

Појадок , a пoтoa сe заминува во посета на старата црква половина под земја од 1614 год. ,, Свети Теодор Тирон и Теодор Стратилат,, во Добрско 20км од Банско. Потоа заминуваме на шопинг во МЕТРО во Благоевград. Слободно време за шопинг. Во попладневните часови поаѓање кон Mакедонија. Во Битола сe пристигнува вo вечерните часови.

ЦЕНА НА АРАНЖМАНОТ………… 7.800 денари

ВО ЦЕНАТА НА АРАНЖМАНОТ Е ВКЛУЧЕНО:

превоз на наведената релација;
сместување во хотел “Пирин Голф Спа” 5***** на база 3 ноќевања со појадок и вечера- шведска маса, користење на внатрешен, надворешни базени со топла вода, фитнес, џaкузи, сауни, парни бањи, лакониум, соба за релаксирање……
разглед на Банско, Мелник,Добрско, месноста Рупите и посета на Метро во Благоевград;
организација на аранжманот и придружник на патувањето;

ВО ЦЕНАТА НЕ СЕ ВКЛУЧЕНИ СЛЕДНИТЕ УСЛУГИ:

групно патничко осигурување = 150 ден.

*Калкулацијата е правена на база 40 патници.

*** ПРОМО ЦЕНА ЗА СОПСТВЕН ПРЕВОЗ :

по лице на ден на база полупансион во Спа студио 30€

по лице на ден на база полупансион во супериор соба со Џакузи 35 евра

т.т. 1 евро по лице на ден

Намалете на багажот, откажете се од директните летови и со тоа зголемете го бројот на километри што ќе можете да си овозможите да ги прелетате во животот.

9-tajni-za-aviokompaniite-koi-kje-napravat-da-patuvate-poevtino-01.jpg

Голем дел од парите за патувања се трошат на летовите.

Но, со добро планирање и внимателно носење на одлуки можете да ги користите услугите на авиокомпаниите за навистина мали суми.

Неколку трикови за заштеда при патувањето со авион:

Пронаоѓање на совршените билети

Најлесниот начин на заштеда е да направите споредба на цените на повеќе авиокомпании до вашата дестинација и, се разбира, да го одберете најевтиниот билет.

Внимавајте одредени цени важат до точно определено време, па ако го преминете рокот, тогаш обидете се да ја посетите верзијата од сајтот за некоја друга земја, што е во друга временска зона. Променете го јазикот и искористете ја продажбата.

9-tajni-za-aviokompaniite-koi-kje-napravat-da-patuvate-poevtino-02.jpg

Цена за патување со авион иста како цена за патување со автобус

Тарифите на обичните компании најчесто вклучуваат билети „all inclusive“, додека нискобуџетните компании ви нудат и опција само летање со рачен багаж по многу ниска цена. Секоја дополнителна опција се плаќа дополнително.

Цените во овие компании понекогаш се пониски дури и од цените за патување со автобус. Условите нормално се поскромни отколку во обичните авиокомпании.

Само внимавајте дополнителните трошоци може да бидат големи. Најдобро е сè што сакате дополнително, однапред да платите преку нивната веб страница.

9-tajni-za-aviokompaniite-koi-kje-napravat-da-patuvate-poevtino-03.jpg

Посетете го веб сајтот на аеродромот на кој ќе слетате

Добро би било да го отворите веб сајтот на аеродромот на кој ќе слетате. Ќе откриете што може да добиете бесплатно.

На пример, аеродромот во Сингапур им нуди бесплатна тура на градот на патниците кои транзитираат тука. Аеродромот во Амстердам располага со огромна бесплатна книжарница со комфорни столчиња. На аеродромите често има и разни промоции и примамливи продажби.

Исто така, може да откриете некои нискобуџетни компании, кои не се многу популарни, па потоа да побарате на Google поконкретни информации за нив за во иднина.

На сајтот ќе најдете и мапи на летови.

9-tajni-za-aviokompaniite-koi-kje-napravat-da-patuvate-poevtino-04.jpg

Изберете подолга рута, наместо директен лет

Изберете рута со трансфер. Тие најчесто се поевтини од директните лет. Проверете и дали има можност за бесплатен престој во земјата каде транзитирате.

Додека го чекате наредниот лет за вашата дестинација, можете да го истражите и градот каде слетавте, да појдете на пешачка тура, да се почестите со некој локален специјалитет итн.

9-tajni-za-aviokompaniite-koi-kje-napravat-da-patuvate-poevtino-06.jpg

Чартер летовите нудат интересни дестинации и цени

Чартер летовите најчесто ги нудат туристичките агенции, но понекогаш тие не успеваат да ги продадат аранжманите, а во авионот има места, па ги продаваат по 20-50% пониски цени.

Чартер летовите понекогаш ќе ве однесат на интересни дестинации до кои нема обични летови. Негативна работа е само тоа што може да ви откажат во последен миг.

9-tajni-za-aviokompaniite-koi-kje-napravat-da-patuvate-poevtino-07.jpg

Летовите може да бидат платени со бонус километри

Многу авиокомпании ви нудат собирање на километри со нивните летови, па по некое време да соберете доволно и да имате бесплатен лет.

Дури и некои сајтови за патување од типот на Tripadvisor ви нудат екстра километри за да ве охрабрат да напишете критика за патувањата.

9-tajni-za-aviokompaniite-koi-kje-napravat-da-patuvate-poevtino-05.jpg

Враќање со поинаква рута

Враќањето по поинаква рута по правило е поевтино, а и позабавно.

Направете комбинација на поевтини летови, па ако треба направете и кусо патување со автобус притоа.

9-tajni-za-aviokompaniite-koi-kje-napravat-da-patuvate-poevtino-08.jpg

Уловете ги „грешките“

Се случува ќе наидете на цена на билети толку ниска, што ви изгледа дури како грешка. Тоа можеби и навистина е грешка, но нема време за медитација, купете го билетот веднаш.

Ако често прегледувате, ќе забележите дека вакви цени се појавуваат од време навреме.

Искористете го надоместокот за презакажан лет

Авиокомпаниите понекогаш продаваат билети повеќе од што авионот може да собере затоа што често се случуваат откажувања. Но, ако сите потврдат, тогаш компанијата бара волонтери кои би се повлекле од тоа патување.

Согласете се да бидете волонтер затоа што ќе летате без проблем со наредниот лет, плус ќе добиете ваучер за летање како компензација. Понекогаш ваучерот може да биде и за некој хотел и ресторан, но во секој случај не е лошо.

Ова особено се случува во време на празници и фестивали.

3 hrs

„На охридскиот аеродром очекуваме фрекфентна летна сезона. Ќе имаме 4 нови сезонски дестинации – Варшава, Талин, Ајндховен и Истанбул. На скопскиот аеродром ЛОТ Полиш ерлајнс ќе влезе на пазарот, со отворање на новата рута Варшава-Скопје-Варшава, почнувајќи од 1 јуни 2018 година. Ќе се опслужува 6 пати неделно во текот на летото и 4 пати неделно во текот на зимската сезона.“, вели за Македонската Информативна Агенција (МИА), Алпер Ерсој, Генерален директор на ТАВ Македонија.
http://mia.mk/mk/Inside/RenderSingleNews/404/134178801

Опкружени со планински шуми и карпи, овие 5 базени се вистинско совршенство за оние кои сакаат топло-ладни контрасти во зима.

top-5-najubavi-nadvoresni-topli-bazeni-opkruzeni-so-planinia-001.jpg

Пливањето во надворешен топол базен за многумина е еден од омилените „зимски спортови“, па доколку и за вас ова преставува одлична релаксација, веруваме дека ќе посакате да се најдете во некој од следниве ресорти низ светот:

Хотел 7132 – Швајцарија

top-5-najubavi-nadvoresni-topli-bazeni-opkruzeni-so-planinia-1.jpg

Aplin Panorama Hotel Hubertus – Италија

top-5-najubavi-nadvoresni-topli-bazeni-opkruzeni-so-planinia-2.jpg

Aqua Dome – Австрија

top-5-najubavi-nadvoresni-topli-bazeni-opkruzeni-so-planinia-3.jpg

Hotel Schwarzer Adler Kitzbühel – Австрија

top-5-najubavi-nadvoresni-topli-bazeni-opkruzeni-so-planinia-4.jpg

Hotel Villa Honegg – Швајцарија

top-5-najubavi-nadvoresni-topli-bazeni-opkruzeni-so-planinia-5.jpg

М. Д. | Црнобело

Оние кои имаат желба постојано да патуваат најчесто бираат дестинации надвор од домашните граници. Но, понекогаш забораваме или пак не знаеме колку убавини крие нашата земја.

10-lokacii-vo-MK-koi-mora-da-gi-posetite-01.jpg

Таа наша чудесна земја, каде што природата била особено дарежлива и ја покрила со раскошна убавина која го мати погледот и ни го исполнува срцето со гордост. Тоа се оние моменти кога може да почувствувате како земјата дише и се синхронизира со вашето издишување и се чувствувате убаво, топло и сакано.

Затоа што со еден збор, сте ДОМА.

Доколку сè уште не сте го сториле тоа, ви предлагаме да ги посетите овие 10 прекрасни локации низ Македонија кои се подеднакво убави во секој период од годината.

Ќе ви ја смират душата, ќе ви ги наполнат очите со убавина и ќе си ја засакате државата уште повеќе доколку отидете во:

Матка

Кањонот на Треска кој според карактеристиките претставува клисура-пробојница крие многубројни пештери, меѓу кои и Врело, најдлабоката подводна пештера на Балканот и втора по длабочина во Европа.

Поради големиот број манастири и цркви, Матка го носи и името Света Гора.

10-lokacii-vo-MK-koi-mora-da-gi-posetite (8).jpg

Канео

Охрид е комплетно убав и магичен, но ретко кое место може да се спореди со Канео

Свети Јован Богослов Канео, најпознатата црква во Охрид, е лоцирана на карпестиот рид над плажата Канео во стариот дел на градот.

Канео има зачувано добар дел од првобитните фрески кои датираат пред 1447 година. Иако се извршени одредени модификации бидејќи црквата долго време била напуштена, тоа не го изгубило својот првобитен шарм и магичност.

10-lokacii-vo-MK-koi-mora-da-gi-posetite (2).jpg

Јанче

Првата асоцијација за Јанче? Зелено, многу зелено. Епитетите кои следуваат се мирно, тивко, мелем за душата.

Ова мијачко село спаѓа во рамките на општината Маврово-Ростуше, а се наоѓа во непосредна близина на Радика и регионалниот пат Дебар-Маврово.

Во моментов се реставрираат повеќе селски куќи во автентичниот архитектонски стил на областа со цел да се развие еколошкиот туризам. А верувајте, навистина вреди.

10-lokacii-vo-MK-koi-mora-da-gi-posetite (15).jpg

Галичник

Што остана да се каже за Галичник што веќе не е кажано? Кој бил – знае, кој не бил – ќе се покае доколку не го стори тоа набрзо.

Галичник најубаво ќе го доживеете за време на Галичката свадба, но прекрасно е во секој период од годината.

Внимавајте само да сте топло облечени и подготвени да ја впиете суровата убавина на пределот, проткаени со легенди, мудрост и спокојство какво што нема да пронајдете никаде.

10-lokacii-vo-MK-koi-mora-da-gi-posetite (1).jpg

Кокино

На прашањето – како изгледа Кокино, одговорот би бил: Како надвор од овој свет.

На само 35 km од Куманово, на надморска висина од 1013 m, веднаш под врвот Татиќев камен, ќе ја пронајдете мегалитската опсерваторија Кокино.

Во 20005 година, НАСА го стави Кокино на 4-тото место на листата со најстари и најважни астрономски опсерватории на светот.

Како што велат – на оваа света планина сте во непосредна врска со бога.

10-lokacii-vo-MK-koi-mora-da-gi-posetite (5).jpg

Уште 5 места на следната страна…

Најдобрите дестинации за прослава на Божиќ

Веќе сме на почеток на месец Декември, а веќе можеме да ја почувстуваме празничната атмосфера што допрва следи. За разлика од некои места каде што Божиќ се пречекува на плус 20 степени, во Европа прославата на овој празник е синоним за снег и ниски температури. Повеќето од градовите во Европа кои го прославуваат Божиќ се претпознатливи по т.н. божиќни маркети. Погледнете ја листата на најдобрите градови во кои можете да го прославите Божиќ оваа година:

1. Виена, Австрија

Тешко е да се најде град кој го прославува Божиќ со толкава грациозност и елеганција како што тоа го прави Виена. Божиќните маркети мамат да поминете на секоја тезга и да пробате од сите слатки задоволства што се нудат, да се напиете греано вино и да се подновите со некој зимски аксесоар. Исто така, не сте биле во Виена доколку не ја пробате познатата Виенска шницла или прочуените колбаси кои се служат токму на овие празнични маркети.

 

 

 

 

 

 

2. Лондон, Англија

Каде и да се свртите, во Лондон сите улици се полни со празнични декорации. Накитени автобуси, шарени излози и светкави канделабри се синонимот за Божиќ во Лондон.
Доколку шопингот ви е голема опсесија, тогаш нема да погрешите доколку го одберете овој град како дестинација каде што ќе го поминете празникот.

3. Загреб, Хрватска

Доколку не сакате да потрошите многу пари на патување, а сепак сакате да побегнете некаде, Загреб е одлична идеја. За божиќната  атмосфера во овој град се вели дека е една од најдобрите во Европа. Слично како и во Виена, ќе имате можност да уживате во слатките задоволства кои ги нуди овој град. Магијата едноставно плени!

 

 

 

 

 

 

4. Нирнберг, Германија

Нема подобро време од годината за да го посетите Нирнберг од Божиќ, кога градот прераснува во вистинско место од бајките. Тука е навистина тешко да им се оддоле превкусните колачиња и на илјадниците декорации кои може да се најдат на божиќните маркети.

 

 

 

 

Престижното признание на „Airport Council International (ACI)“ годинава го доби виенскиот аеродром „Швехат“ кој беше прогласен за најдобар во Европа. Благодарение на задоволството на патниците, одличните услуги кои годишно ги користат од 15 до 25 милиони патници, како и коректниот однос кон своите 20.000 вработени, овој аеродром годинава се најде на првото место во конкуренција од 300 аеродроми во 84 земји во светот.

Директорка на асоцијацијата, Ангела Гитенс, ја врачи наградата на управата на виенскиот аеродром, а на доделувањето присуствуваа градоначалникот на Виена, Михаел Хаупл, и бројни претставници на деловните партнери, институции и авиокомпании.

Виенскиот аеродром спаѓа во 30-те најголеми аеродроми во светот. Минатата година овој аеродром ги пушти во употреба првите соларни системи кои со производство на еколошка енергија го намалуваат емитувањето на штетните CO2 гасови

evtini

Веб-страницата „Експатистан“, која се занимава со анализа на цената на храната, пијалакот, облеката, предметите за домаќинство, трошоците, транспортот и другите дневни трошоци, направи список со најевтините места за живеење за 2017 година.

Според нејзината анализа, Одеса е најевтиниот град за живот. Украинскиот поморски град ја доби оваа титула поради ниските цени на храната, домувањето и другите животни трошоци.

На пример, ручек во ресторан поединец ќе плати 3,70 евра, еден литар гориво за автомобил чини 0,80 евра, а половина литар домашно пиво во продавниците е 46 центи, додека половина литар точено пиво во кафуле е 93 центи.

Во Одеса два билета за кино ќе платите шест евра, додека за 8 километри поминати со такси треба да издвоите 2,50 евра. Месечната цена за изнајмување стан од 45 квадратни метри чини 194 евра, додека вашите трошоци ќе чинат дополнителни 26 евра.

Интересно е дека на скалата со најевтини места за живот за 2017 година, заедно со Одеса, се наоѓаат уште 7 индиски града и 2 африкански.

1. Одеса, Украина
2. Бубанешвар, Индија
3. Кочин, Индија
4. Џајпур, Индија
5. Ахмедабад, Индија
6. Коимбатор, Индија
7. Каиро, Египет
8. Калката, Индија
9. Хајдерабад, Индија
10. Тунис, Тунис

 

Снегот има моќ да го претвори секој град во бајка.

25-gradovi-koi-se-poubavi-so-sneg-001.jpg

Без оглед на тоа дали ја сакате или мразите зимата, вистината е – цел свет е поубав кога е покриен со снег.

Посебно убави се овие 25 градови, кои вреди да ги видите во зима, излезени како од снежна бајка:

Ротенбург Обдертаубер, Германија