fbpx
from €0,00
Резервирај

ЈОРДАН – ВЕЛИГДЕН 2023

Нема оценки

Времетраење

Тип

Дневна Тура

Големина на група

Неодредено

Јазик

___

Опис

Print Friendly, PDF & Email

ЈОРДАН

14.04 – 21.04.2023 | 6 ноќи – 8 дена | Лет од Скопје

АМАН + МРТВО МОРЕ + ПЕТРА + ВАДИ РУМ + АКАБА

Групно празнично патување со лет од Скопје и богата програма со вклучени разгледи, посети, тури… Се посетуваат сите атрактивни локации во Јордан, без дополнителни факултативни доплати!

 

Древна земја со посебен шарм и неверојатна историја. Изобилува со легенди и традиции, богато културно наследство и архитектонски атракции, а тука секако е и обалата на прекрасното корално Црвено Море, како и лековитите води на Мртвото Море. А пустината… е тоа е посебна мистерија која треба да се доживее.  Јордан заслужено зазема посебно место во развојот на светските цивилизации и религии.

 

Петра – фасцинантна по својата убавина, привлекува милиони посетители, а целиот град е како уметничко дело насликано на платно од природен камен. Откриена е во 1812 година од швајцарскиот истражувач Јохан Буркхарт, Петра сè уште продолжува да не изненадува со своите тајни и убавини! Сместенa е на листата на УНЕСКО но и на листата на седумте светски чуда. Колку и да читате за неa, колку и да е добро и детално опишано, не може да се спореди со чувството и возбуда кога ќе ja ГЛЕДАТЕ ВО ЖИВО! Дали сте подготвени за оваа авантура?

Вади Рум или познат како „Долината на Месечината“,е арапска бајка која чека да биде откриена. Дом на номадските бедуински племиња. Некогаш населен со Набатејци од праисторијата, Вади Рум ви овозможува да се изгубите во големите пејсажи. Спокојството на пустината сигурно ќе ви го смири духот и ќе ви ги ослободи мислите.

Акаба – Туристички центар на обалата на најубавото корално Црвено Море. Идеална дестинација за комбинирање на одмор и плажа со градски живот, шопинг и историја.

 

ЈОРДАН – Април 2023 (Велигден)
✅ Лет од Скопје преку Истанбул со Turkish Airlines.
✅ 6 ноќевања (5 Полу Пансиони + 1 Ноќевање со појадок).
✅ 3 Ноќевања во Аман (1BB + 2HB).
✅ Посета и разглед на арх. локалитет Џераш.
✅ Посета и разглед на Мадаба и Планината Небо (религиозни локалитети).
✅ Посета на местото на Исусовото Крштевање на реката Јордан.
✅ Капење (плутање) во благодетната вода на Мртво Море.
✅ 1 ноќевање во хотел покрај Мртвото Море.
✅ Целодневна посета и разглед на светското чудо Петра.
✅ 1 ноќевање во Петра (HB).
✅ Посета на Вади Рум и 1 ноќевање (HB) во камп среде пустина со вклучено пустинско Џип Сафари.
✅ Посета и разглед на Акаба покрај Црвеното Море – со обезбеден хотел за дневен престој.
✅ Сите трансфери + разгледи + локален водич на српски / хрватски јазик.
✅ Пратител на групата од Македонија.

 

ПРОГРАМА НА ПАТУВАЊЕ

1 ден:  СКОПЈЕ – ИСТАНБУЛ – АМАН
Состанок на патниците нa Скопскиот Аеродром според претходно договорено време и полетување за Истанбул во утрнските часови. Пристигнување во Истанбул 22:45. Полетување за Аман во 01:40, со ТК814. Слетување во 04:00. Позавршување на пасошка и царинска контрола, пречек од страна на локален партнер и трансфер до 4* хотел. Сместување во соби. Ноќевање
2 ден:  АМАН
Појадок во хотел и поаѓање кон разглед на Аман, престолнината на Кралството Јордан. Ќе запознаеме со културата на Хашемитското кралство, со посета на Цитаделата, Римскиот театар, старата џамија, но и со посета на новиот модерен дел на Аман. Враќање во хотел. Слободно време за индивидуален разглед и прошетки. Вечера.  Ноќевање.
3 ден:  АМАН – ЏЕРАШ
По појадокот, се упатуваме кон Џераш, градот кој своето златно време на цивилизација го доживува за време на Римското царство, кога е познат и како Гераса, а денес претставува официјално еден од најдобро зачуваните провинциски градови на Римската империја, сокриен со векови под златните песоци на Јордан пред повторно да биде откриен и достапен на светската јавност. Враќање во хотел. Вечера.  Ноќевање.
4 ден: АМАН – МАДАБА – НЕБО – РЕКАТА ЈОРДАН – МРТВО МОРЕ
По појадокот, со спакуван багаж се упатуваме кон нови возбудливи дестинации. Посета на Мадаба, оддалечена 30 км од Аман, а која се протега крај Кралскиот пат, стар 5000 години и претставува една од најзначајните локации во оваа Света Земја. Откако ќе одминеме неколку меѓусебно поврзани градови, стигнуваме во Мадаба, позната како Градот на Мозаиците. Од таму го продолжуваме нашето патување до Планината Небо, една од најзначајните локации за верниците од целиот свет, место каде пророкот Мојсие е погребан. Од таму се упатуваме кон реката Јордан и местото на Исусовото Крштевање, по што одиме на обалата на Мртвото море, најниската точка во светот каде што ќе имате можност да уживате во благодетите на солената лековита вода. Сместување во хотел на Мртво Море, Вечера и ноќевање.
5 ден: МРТВО МОРЕ – ПЕТРА (Wadi Musa) – МАЛА ПЕТРА
Појадок во хотел и можност за утрински капење и плутање во водите на Мртвото Море. Одјавување на собите и со спакуван багаж заминуваме кон местото Wadi Musa – денешен населен град покрај кој се наоѓа локалитетот Петра. По сместување во хотелот со 4*, се упатуваме кон посета на локалитетот Мала Петра која плени со својата мистериозност и е вовед во она што го нуди главниот локалитет Петра. Враќање во хотел, слободна вечер за индивидуални прошетки низ живописното градче Wadi Musa. Вечера и ноќевање во хотел.
6 ден: ПЕТРА – ВАДИ РУМ 
Појадок и одјавување на собите. Се упатуваме кон најважниот дел од патувањето, посета и разглед на „Розевиот Град“ Петра, најубавиот град некогаш изграден од човечка рака на Набатејците, а целиот вдлабен во карпи. Посетата започнува со прошетка до Сик, најпознатиот теснец во светот, овековечен и во голем број на филмови, влезот на Градот Петра кој нуди неверојатни пејзажи, визури и искуство кое се памети. Додека шетате долж 1 км долгата патека, над вас бдеат карпите високи и повеќе од 80 м. Боите кои се прелеваат и убавината која природата ја дарила на ова место, се едни и единствени. Кон крајот на Сик, пред нас ќе се појави најспектакуларната глетка, Ал Казнеа (Трезорот) – едно од најфотографираните места во светот. Прошетката низ Петра продолжува покрај улицата на фасадите, кралските гробници, театарот, судницата… Вкупната должина е окулу 4км по правец. По разгледот на Петра, патувaњето го продолжуваме до магичниот Вади Рум (Месечева Долина), пустина која според археолозите била населена во праисторискиот период. На пат кон Вади Рум ќе пројдеме покрај Седумте Столбови на Мудроста, именувани од Лоренс од Арабија. Сместување во хотелски камп среде пустина. Слободно време. Вечера во хотел. Единствена можност за ноќевање во пустина со неверојатни погледи кон звезденото небо.
7 ден: ВАДИ РУМ – АКАБА
По појадокот, заминуваме на 2 часовно возење со 4×4 џипови низ пустината. Продолжуваме кон прекрасниот природен лавиринт од монолитски карпи, на некои места високи и по 1750 м, идеални за планинарење и спортско качување. Гостите може да уживаат во мирните прошетки по непрегледната долина на карпести формации, да ги откријат кањоните и цртежите во карпите стари и по 4000 години. Го продолжуваме патувањето кон Акаба – единствениот град во Јордан кој има излез на море, а воедно претставува бесцаринска зона – град фришоп. Панорамси разглед на Акаба.Слободно време за индивидуални активности, прошетки и шопинг низ Акаба. Слободно време до трансфер за полетување.
8 ден:  АКАБА – ИСТАНБУЛ – СКОПЈЕ
Полетување кон Истанбул со лет ТК 819 во 01:35. Слетување во Истанбул. Продолжување на летот кон Македонија со   TK 1003 кон Скопје во 07:25. Слетување во Скопје во 07:50.
Цена по лице во двокреветна соба
1555 € / 96.410 мкд
Цена по лице во двокреветна соба за резервации до 05.Февруари
1455 € / 90.210 мкд
Цена за дете до 5.99 години (без лежај)
765 € / 47.430 мкд
Цена за дете од 6 до 11.99 години
1035 € / 64.170 мкд
Попуст за трето ворзрасно лице
-20 € / -1.240мкд
Доплата за еднокреветна соба
280 € / 17.360 мкд
Цената влучува:
• Повратни авионски билети од Скопје до Аман и од Акаба до Скопје преку Истанбул со Turkish Airlines.
• Аеродромски такси.
• Чекиран багаж 30кг + рачен багаж.
• Трансфер според програмата.
• 5 ноќевања во Хотели со 4* на база Полу пансион
• 1 ноќевање со појадок во Хотел со 4*
• Посета на сите наведени локации во програмата со вклучени влезници
• Возење со џипови во траење од 2 часа во пустината Вади Рум
• Јавање на коњи во Петра
• локален професионален водич на Српско – Хрватски јазик
• виза за Јордан
• Техничка придружба – Пратител на групата, доколку брои над 15 патници.
Цената не вклучува:
• Дополнителни оброци и пијалоци кои не се наведени во програмата.
• Задолжително патничко осигурување.
• Евентуални факултативни излети организирани на лице место (посета на Џераш, крстарење по Црвено Море)
• Бакшиши за локалните возачи и водичи во висина од 45 еур по лице
• Доплата за користење на хотел/соба последниот ден – 45 еур по лице

 

ЗАБЕЛЕШКИ: 

» За реализација на аранжманот, потребен е минимум од 20 патници.
» Во случај на помал број пријавени патници, организаторот го задржува правото да го откаже аранжманот или да ја корегира / зголеми цената на истиот.
» За резервации потребна е авансна уплата во висина од 30% од вкупнот износ на аранжманот, целосна доплата најдоцна петнаесет (15) дена пред поаѓање.
» За овој аранжман важат општите услови на патување на Аурора Турс.
» Програмата и редоследот на разгледи и посети може да претрпи промени во зависност од состојба на терен и други објективни причини.
» Организаторот на патувањето го задржува правото, во случај на промена на цената на превозот (авионските билети), да ја промени и цената на аранжманот.

Прочитај Повеќе

Маршута

Вклучува/Не вклучува

Локација

од €0,00

Можеби ќе ви се допадне