from €0,00
Book Now

НОВА ГОДИНА ИСТАНБУЛ , 3 ноќи

Created with Sketch. İstanbul, Turkey
Not Rated

Duration

Tour Type

Daily Tour

Group Size

Unlimited

Languages

___

Overview

Print Friendly, PDF & Email
Поаѓање: 29.12.2021
Враќање: 02.01.2023
Дестинација: Истанбул
Превоз: Автобус
Сместување: Хотел 3*

Со над 300 македонци на приватен брод кој плови по Босфор, два стејџа, македонски изведувачи вклучувајќи бенд, ди-џеј, караоке зона, па се до спектакуларен огномет, многу запросувања и многу изненадувања. Тоа е најважната причина поради која треба да се препуштите на нашиот тим од над 20 водичи кои е подготвен да направи нов БУМ за дочек на 2022-ра!

Поаѓање во Истанбул ОД ЦЕЛА МАКЕДОНИЈА!.

Прв ден: 29.12.2021 (Среда)

Дали сакате да ја почуствувате еуфоријата уште на 29.12? Тогаш резервирајте преку нас, бидејќи забавата започнува уште на самото тргнување кон Истанбул. Нашето тргнување ќе го започнеме со добра музика! Турата стартува од паркингот на Вип Хотел во 15:00 часот, а поаѓањето е предвидено во 15:30.

Имаме ноќно возење со попатни паузи, царински формалности, презентација на програма и информации околу тоа што ги очекува патниците во наредните три денови. Агенцијата ги контактира патниците на два дена пред поаѓање, во врска со точното време и место на поаѓање. Седиштата во автобусот се нумерирани. Со самото потпишување на договорот на патниците им се доделуваат седишта според времето на уплата, доколку одредени патници имаат посебни барања за конкретно седиште истото го доплаќаат во агенција.

Нашите водичи се добро обучени за да ви го направат патувањето доста интересно.

Втор ден: 30.12.2021 (Четврток)

Пристигнувањето на групата во Истанбул. Групата се упатува кон хотелот заедно со својот багаж, каде истиот се остава во просторија предодредена за чување на багаж. Туристичкиот придружник на Ескејп травел е задолжен за комуникација со вработениот на рецепцијата во хотелот каде според список на уплати во канцелариите на агенцијата се делат клучевите од хотелските соби.  Патниците добиваат слободно време за пауза, а остатокот од денот предвиден за истражување на најголемиот град во Европа, градот Истанбул. Поаѓање на екскурзија. Првото место за посета е oмилениот разнобоен кварт на сите инстаграмџии, БАЛАТ.  Оваа стара област е исполнета со прекрасни дрвени куќи во боја и кафулиња веднаш ќе ви овозможат убави вибрации. Едно од иконите и најфотографираните места во Истанбул се куќите во улицата Киремит. Куќи насликани со пастел кои создаваат жива улична сцена. Тоа е толку тивка и релаксирачка област за престој, помеѓу локалното население, далеку од зафатениот град. По посетата продолжуваме кон населбата Ортаќој. Голем дел од жителите сметат дека ова место е најдобро место каде што можете да го доживеете Босфорот и направите најдобрите фотографии покрај Босфор, нормално во позадина го имате и босфорскиот мост. Сите филмови што се снимени во Истанбул, на сите има сцени од ова место. Денот завршува со посета на плоштадот ТАКСИМ.
Главниот центар на градот, на кој се одржуваат главните митинзи и прослави! Покрај „Таксим“ поминува познатата Истикал улица на која се движи познатиот трамвај! На Истикал се наоѓаат познатите дискотеки и кафулиња. Слободно време за прошетка и враќање во хотел. Ноќевање.

Трет ден: 31.12.2021 (Петок)

Нашата понуда е релаксирана, со тоа што утрото ќе го искористиме за да го погледнеме стариот град на Истанбул. Како Капали Чаршија која се наоѓа на само 10 минути пеш од хотелите, Аја Софија која се наоѓа недалеку од Капали Чаршија, Топ Капи, Сината Џамија, Хиподромот и ред други знаменитости каде ќе може да ги направите најубавите инстаграм фотографии.

Пешачката тура е вклучена во цената, а истата се одвива од хотелот, преку Капали Чаршија, Сината Џамија, Хиподромот, Аја Софија и други попатни застанувања каде ќе научите многу информации од нашите локални искусни водичи кои се дел од нашата организација, а кои ќе ви ја раскажат приказната и историјата на градот на најдобар начин.

Факултативни излети после пешачката тура:

Toп Капи
Главната резиденција на Отоманските султани за време на нивното 6 вековно владеење. Топкапи палатата годишно ја посетуваат повеќе од 2 милиони туристи, со што е втор најпосетуван музеј во светот. Просторот кој го опфаќа е два пати поголем од оној на Ватикан и половина од просторот кој го опфаќа Монако. Во неа може да се видат собите што ги користеле,каде престојувале,како и облеката која ја носеле.Во ТопКапи живееле 4000 луѓе.Топкапи Сарај бил главното седиште на администрацијата на Османлиската империја во периодот помеѓу 1456 до 1853 година.

По завршувањето на турата, групата има слободно време да наполни батериите за лудата ноќ на Босфор. Хотелите се одлични за секој тип на туристи. Опремени се со посебно тоалет и купатило/тв/wi-fi и се што му е потребно на еден турист за едно незаборавно искуство во градот на два континенти.

Организиран транспорт до Босфор со нашите автобуси за сите журкаџии. За време на нашиот транспорт до бродот кој трае магични 20 минути, ние ви подговуваме едно кратко изненадување за секој автобус, а со ова го најавуваме големиот старт на нашата прва новогодишна журка! Дали претпоставувате што би можело да биде? 🙂

За новогодишниот дочек кој го организира Escape Travel се зборува многу! Ние се водиме според политиката- Задоволни патници. Се што треба е да им јавите на ваши пријатели, роднини, соседи, кои биле дел од нашиот новогодишен брод за да ви ја раскажат магијата која вреди да се доживее.

Нашиот тим го сочинуваат искусни водичи и млади луѓе кои со години се дел од ова збиднување. Фотографиите кои ги споделуваме зборуваат за добрата организација. Повеќе информации за програмата за новогодишната журка на Брод, наскоро.

Четврти ден: 01.01.2022 (Сабота)

Саботата ни започнува со Late breakfast. Што значи ова? Ова значи дека нема повеќе будење рано наутро за доручек. Ние ќе се погрижиме да имате добро помината ноќ, но и доцен доручек во кој ќе може да уживате.

По појадокот, денот е резервиран за запознавање на луксузната и модерна страна на Истанбул. Тоа значи дека имате можност да се искачите на еден од највисоките облакодери во Истанбул, каде на најгорниот спрат има отворена стаклена тераса со 360 поглед, а во затворениот дел се наоѓа 7D кино проекција чија влезница е вклучена во цената. На отворената тераса на Safir кулата, ќе може да ги направите најдобрите фотографии, ќе може да ги погледнете сите три моста на Босфор. Во склоп на кулата Сафир се наоѓа трговски центар во кој може да го направите вашиот шопинг.

По посетата на Сафир, се упатуваме кон нашата нова сензација, новиот начин на уживање кој се практикува во сите светски метрополи, а тоа е дневното крстарење по Босфор со Ди-Џеј. Ова е наша модерна алатка која ја развивме пред две години, а која се покажа како одличен момент да уживате во прекрасниот поглед кон евроската и азиската страна на градот, со пијачка во раце и да шизите на познати светски, банскански и домашни хитови. Ова е момент кој не прави поразличен од другите, а во кој уживаат сите. Од локален водич кој во почетокот ќе ви раскаже се за Босфор и за објектите кои се наоѓаат долж неговиот кеј, ди-џеј кој ќе пушта музика, огромен избор на пијалоци, фотографирања и едно големо изненадување кое во моментот не сакаме да го откриеме. Повеќе инфо за програмата за дневната журка со ди-џеј на Брод наскоро. Но тоа не е се, следува тематска игра од позната актуелана серија каде можете да бидете потенцијален добитник на специфичен подарок.

По дневната журка на Босфор, се упатуваме кон хотелите каде имаме слободно време за пауза и подготовка за ноќната уникатна журка на која веќе ќе имаме подготвено караоке листа со најхрабрите пријавени патници, а за кои ќе гласа публиката и ќе го одреди победникот. Од латино музика со латино танцувања, до турска музика со (ИЗНЕНАДУВАЊЕ), до наши балкански хитови. Музика, храна и извлекување на 10 добитници на гратис патувања во 2022-ра година, кои награди ги доделува нашата агенција. Тоа е она кое го прави ова After Party поразлично од останатите. Повеќе инфо за програмата за After-party наскоро.

Последен ден: 02.01.2022 (Недела)

Двата дена кои ќе ни изминат во Истанбул ќе ги паметите по многу убави нешта. Многумина од вас ќе добијат вредни подароци од нашата агенција, а ќе има и доста тавки кои ќе си заминат со ваучер за бесплатно патување/летување со нашата агенција во 2022-ра година.

Но ако е недела, не значи дека е крај на нашата програма во Истанбул. По појадокот во хотелот, групата се одјавува и се упатува во посета на продавницата КОСКА каде може да купите локум, баклава и традиционални благи работи за дома. По посетата на ова продавница, се упатуваме кон Outlet 212 во Истанбул, каде оние кои немале време за шопинг ќе може да купат се што им треба.

Нашата програма е создадена да одговара на потребите на секој патник. Од историја, култура, животен стил па се до шопинг. Кој не би сакал шопинг?

Времетраењето на шопинг е до 15:00 часот кога групата се собира и упатува назад кон Македонија. Предвидено е пристигнување во раните утрински часови.

Сместување

Хотел со 3*

Сместувањето е во хотели на база на 3* со вклучен појадок. Хотелите се наоѓаат во населбата Аксарај.

Промо цена: 99 еур

Што е вклучено во цената:

Две ноќевања во хотел со 3* со појадок
Автобуски превоз
Лиценциран придружник
Лиценциран туристички водич
Тура низ стариот град на Истанбул со посета на Капали Чаршија
Tуристичка такса
Посета на турската продавница „Коска“
Шопинг во 212 центарот
PCR тест за враќање (За патниците без вакцина)
И дефинитивно најдобрата организација со најдобите водичи

Што не е вклучено во цената

Организирани три новогодишни журки
Патничко осигурување
Факултативи излети
Индивидуални трошоци
ПЦР тест за поаѓање (се вадат индивидуално)

Факултативни излети

Новогодишен дочек на приватен брод на Босфор кој руши рекорди-55€

Дочек на приватен брод на Босфор. Со два стејџа, два изведувачи во исто време, од турбо фолк, до хип-хоп, техно, рок, македонски хитови и турски хитови.

Нашиот тим го сочинуваат искусни водичи и млади луѓе кои со години се дел од ова збиднување. Фотографиите кои ги споделуваме зборуваат за добрата организација. Повеќе информации за програмата за новогодишната журка на Брод, наскоро.

Во цената од 55 евра е вклучен транспорт до нашиот брод, изненадување за време на танспортот, влезница на нашиот брод, три алкохолни или безалкохолни пијалоци, мезе даски, бенд и ди-џеј и секако најубавиот момент, а тоа е огнометот кој се организира од босфорскиот мост.

Дневна журка на брод на Босфор за време на најубавите зајдисонца во Истанбул-25€

Сакате романтика во Истанбул? Сакате музика, пијалок, добра музика и насмеани луѓе кои шизат на брод на Босфор додека сонцето заоѓа на првиот ден од новата година во Истанбул? Ова е уживањето кои ви треба! Веќе со добро искуство, добра музика и екстра организација! Ќе го празнуваме првиот ден од новата година додека уживаме и ги набљудуваме најуникатните палати кои се наоѓаат по кејот на Босфор. Но тоа не е се, следува тематска игра од позната актуелана серија каде можете да бидете потенцијален добитник на специфичен подарок.

Во ова цена имате вклучено транспорт до Босфор, влезница за нашиот брод, ди-џеј сет, лиценциран водич за патниците кои ги интересира да научат многу за историјата на објектите кои се наоѓаат долж кејот на Босфор.

After party со многу изненадувања во приватен објект-20€

Ние сме првите кои наместо една имаат три журки за Нова Година. Последната After- Party журка е доста привлечна по тоа што 10 патници ќе освојат гратис патување со Escape Travel во 2022-ра година, а многу други кои ќе се пријават на мини караоке турнирот исто така ќе си заминат со вредни награди. Овде, покрај караоке журката, ќе имаме и разна музика, почнувајќи од рок, хип-хоп, македонски хитови, туриски хитови, латино, па се до балкански хитови кои ќе го дрмат подот!

Во цената е вклучено 3 алкохолни или безалкохолни пијалоци

Сафир со панорама низ градот-20€

Доживејте ја магичната страна на градот. Кулата Сафир е една од нашите најбарани сензации во Истанбул. Сафир е облакодер каде со сите патниви се искачуваме на највисокиот спрат од кулата, а каде има отворена стаклена тераса со 360 степени поглед. Овде имате можност да ги направите најдобрите фотографии кон европската и азиска стана на градот. Исто така ќе прошетате виртуелно преку 4D проекцијаод 15 минути низ најбитните знаменитости во Истанбул.

Новогодишен пакет- Трите журки со целосна организација и САФИР кулата-115€

 

За сите ВИП ЖУРКАЏИИ!

Новогодишниот дочек на приватен брод на Босфор, дневното крстарење по Босфор на зајдисонце со ди-џеј,after party-то со многу изненадувања и  САФИР кулата ги имате во пакет од 115 евра.

Пакет 1 (Балат, Ортаќој и плоштадот Таксим)-15€

Посетата на Балат, Ортаќој и плоштадот Таксим се местата каде ќе ги направите најдобрите фотографии.

Топ Капи-25€

Сарајот Топкапи е една од најголемите градби во срцето на Истанбул. Оваа исклучително важна палата била седиште на Отоманската империја повеќе од 4 века, а денес претставува еден од најпосетените музеи во „Главниот град на светот“. Палатата Топкапи се наоѓа помеѓу Мраморно Море и Златниот Рог, недалеку од Света Софија.

Важно

  • Задолжителна проверка на пасошот. Не треба да е на 6 месеци пред истекување од моментот на влез и излез од Р. Турцијa
  • MОЖНОСТ ЗА КОРИСТЕЊЕ НА ВРЕДНОСНИТЕ ВАУЧЕРИ ЗА ОТКАЖАНИТЕ АРАНЖМАНИ
  • Цените се изразени во евра, а курсот на еврото се пресметува 62 денари
  • За сингл соба се доплаќа 25 евра дополнително од аранжмaнот- За патниците кои патуваат сами
  • Деца од 0 – 3 години бесплатно (спијат во кревет со родител)
  • Деца од 3 до 12 години плаќаат 50% од износот на аранжманот доколку се придружувани со двајца возрасни
  • Дете до 12 години придружувано со едно возрасно лице плаќа 100% од сумата на аранжманот.
  • Хотелот одредува на лице место во зависност од моменталната состојба каков тип на соба ќе добиете. Резервации за одреден кат или страна не е можна.
  • Селекција на седиште во автобус! Според правилата на агенцијата, патниците се сместуваат според временската линија на уплати. Доколку имате барање за седиште, истото се доплаќа 15 евра за во два правци.
  • Патувањето ќе се одвива според протоколите за безбедноста на здравјето.
  • Патувањето ќе се реализира преку Република Бугарија (дозволен транзит) до Турција
View More

Tour's Location

Created with Sketch. İstanbul, Turkey
Created with Sketch.
from €0,00

You might also like