from €108,00
Book Now

Велигден во Белград, Нови Сад и Сомбор

Not Rated

Duration

2 ноќевања

Tour Type

Specific Tour

Group Size

Unlimited

Languages

___

Overview

Print Friendly, PDF & Email

Велигден во Белград, Нови Сад и Сомбор

Чудна е врската помеѓу луѓето – опкружени со ридови и со таа бесконечна рамнина наречена ВОЈВОДИНА. Сметаме дека е депресивно, толкава равница се простира – онолку колку што може да види окото. И каде и да одите, сè ви е исто, како да стоите во место и додека погледот ви е изгубен во далечината, ви се чини дека и самите се губите. И тогаш, еден ден патот не носи до Нови Сад или во Сомбор, ги гледаме сите тие полиња со пченица, ја преминуваме Фрушка Гора и сеуште не сме се вратиле ни дома, а веќе ни недостасува целата таа рамнина која веќе не е синоним за депресивна бесконечност, туку нè потсетува на мирното море во летна квечерина. И тогаш се сеќаваме дека нè научија дека некогаш многу одамна – навистина постоело море, како што вели Џоле Балашевиќ, нè чекало па пресушило…

1.ДЕН (30.04.2021 – петок) БИТОЛА : Состанок на групата на Градската Автобуска станица во 21.00 часот. Поаѓање за Србија во 21.30 часот. Патот води преку Скопје, Ниш, Белград…ноќно и денско патување, со кратки попатни одмори.

2.ДЕН (01.05.2021 – сабота) НОВИ САД : Пристигнување во можеби најубавиот град во Р.Србија во уттринските часови. Кратка пауза, по која започнува разглед на истиот со стручен водич… плоштадот на Слободата, Катедралата „Име Маријино“ – изградена 1894 година на местото на мала скромна црква од 18.век, висока 72 метри и украсена со витражи направени во Будимпешта…влезете во оваа „мирна куќа“, ако за ништо друго – барем ќе се воодушевите од минатото време, кое е сочувано за посетителите, „Дунавската улица“ – главната ризница која љубоморно ја чува вистинската и најстара историја на овој град, Општинската зграда, Домот на ЈНА, Новосадската Синагога, улицата „Змај Јовина“ – најпознатото шеталиште, кое изобилува со бројни продавници, кафичи и ресторани, а дефинитивно она по кое Нови Сад е најпрепознатлив е Петроварадинската Тврдина, која во своите зидини крие приказни на генерации и генерации, за нивните битки и порази…Австрија ја изградила тврдината во периодот од 1692-1780 година, како одбрана од Турците. Најважниот „жител“ на тврдината е часовникот, кој уште го викаат и „пијан часовник“…датира од периодот околу 1750.година…автентичен е по тоа што малата сказалка ги покажува минутите, додека големата сатите…причината за ова било за да може истиот да се распознава од поголема далечина, од градот или од Дунав. Сместување во хотел во попладневните часови. Слободно време. Ноќевање.

3.ДЕН (02.05.2021 – недела) НОВИ САД – СОМБОР : Појадок. По појадокот – слободно време за индивидуален разглед на градот, или Ви нудиме – полудневен излет (факултативно) до Сомбор, кој е град со богато културно наследство, чувар на старата традиција и богата историја, каде што многу уметници и поети ги создадоа своите најистакнати дела и го најдоа својот широко познат равничарски мир…прошетката со нашиот стручен водич започнува низ „Париската“ улица и се упатуваме кон плоштадот на Цар Урош, каде е сместена Жупанијата – веројатно најмомументалното здание во Сомбор…подигната 1808.година, за потребите на администрацијата на Бачко-Бродошката жупанија, а сегашниот изглед го добива во 1882.година. Во свечената сала на ова здание се чува позната слика „Битката кај Сента“ – најголемо сликарско платно на просторите на бивша Југославија и ja претставува најголемата победа на Христијанската (Австриската) војска над Турците и почеток на распадот на Отоманската Империја…покрај Жупанијата се наоѓа „Паркот на Хероите“ и Кармелската Црква која до ден – денес е највисок објект во Сомбор, каде се изведуваат служби на Хрватски, Унгарски и Германски јазик.

Она што е Змај Јовина во Нови Сад, тоа е улицата на Крал Петар I во Сомбор. Бројни продавници и кафулиња со летни градини се наоѓаат тука и може да се смета за најтесен центар на градот. Покрај прекрасните згради како што е Српската читална од 1882 година, таа е украсена со две интересни статуи, од кои првата покажува дека сомборскиот писател Веjко Петровиќ држи книга од чии страници излегува птица, додека втората го отелотворува Ернест Бошњак, основач на Југословенската кинематографија. Последен во низот на плоштадите во Сомбор е плоштадот на „Светото Тројство“, каде се наоѓа и истоимената Католичка црква, која ја подигаат Фрањевците во раниот 18.век…на љубителите на архитектурата може да им бидат интересни и Магистратот (Градската куќа), палатата Грашалковиќ, Крониќ – палатата – домови на многу уметници и угледни фамилии кои придонеле за развојот на овој „Царски“ град во Војводина…враќање во Нови Сад во касните попладневни часови. Вечерта е време за Чардаш и тамбураши…посета (факултативно) на некој Национален ресторан. Ноќевање.

4.ДЕН (03.05.2021 – понеделник) НОВИ САД – БЕЛГРАД – БИТОЛА : Појадок. По појадокот – одјавување од хотелот и поаѓање за Белград…панорамски разглед на градот… црквата Св. Сава, брдото Топчидер (стадионите на „Црвена Звезда“ и „Партизан“), Дедиње, мостот Газела, мостот на Бранко Ќопиќ, црквата Св.Марко, музејот 25-ти Мај, улицата на кнезот Михаило (изградена 70-те години од 19.век, претставува главно сведоштво за континуираниот напредок и развој на градот…улицата во која се пронајдувани остатоци од антички цивилизации со векови оставала чекори од Римјаните, преку Турците и Австријците, се до ден-денешен), плоштадот на Никола Пашиќ, Теразије, Народниот Театар, Собранието, тврдината Калемегдан (нема да верувате, ама оваа тврдина е подигната уште во 1.век, прво како дрвена палисада со земјани бедеми, за да низ вековите се развие во Римски каструм, Византиска тврдина и на крајот во Австриско артилериско утврдување…самата тврдина има 13 капии и 5 кули кои биле стратешки градени со цел одбрана од непријателот – како од копно, така и од вода…) – каде и завршува разгледот…слободно време за индивидуален разглед на градот или шопинг. Предвидено поаѓање за Македонија околу 16.00 часот. Денско и ноќно патување, со кратки попатни одмори. Пристигнување во Битола во касните вечерни часови.

ЦЕНА НА АРАНЖМАНОТ : 6.690,00 денари (108 €)

УСЛОВИ НА ПЛАЌАЊЕ : Исклучиво во денарска противвредност

НАЧИН НА ПЛАЌАЊЕ : 30 % од сумата при резервација – готовински или со платежни картички. Останатиот износ до полната цена на аранжманот – готовински или со платежни картички, најкасно 10 дена пред поаѓање или на основа на фактура која мора да биде реализирана во рок од 7 дена од датата на издавање, а најкасно 10 дена до почетокот на аранжманот.

ОПИС НА РАЗГЛЕДИТЕ:

  • НОВИ САД

Нови Сад е еден од трите најголеми градови во Србија – на само еден час возење од Белград. Иако не се натпреваруваше за местото најубав град во земјата, доколку постоеше такво натпреварување, тој сигурно ќе го добиеше Гран при-то…исто така, убав и елегантен го чинат и жителите на Нови Сад, кои дури и во ерата на брза комуникација, го зачуваа рамничарскиот мир и природната добрина. Под „карпата Петроварадин“, малата Панонска планина Фрушка гора, се создаде град на Дунав – Нови Сад, кој постои под ова има нешто повеќе од 300 години. За прв пат се споменува во 1694 година, две години откако започна изградбата на тврдината Петроварадин. Таму, на „Дунавскиот Гибралтар“, на 1255-тиот километар од оваа река, од пепелта се крена централноевропската Хабсбуршка монархија со подигнувањето на тврдината, по турската опсада на Виена во 1683 година. Во троречието на реките Дунав, Тиса и Сава, каде се судрија три цивилизации – христијанскиот исток, христијанскиот запад и исламот – бројни етнички и религиозни групи најдоа засолниште. Србите го нарекоа Војводина, а другите го прифатија. Оваа област, и пред и по Римјаните, има интересна историја на долго траење на бројни народи и култури. Тука живееле Гепидите, Хуните, Аварите, Словените, Германците, Унгарците, Византијците и Турците. На „карпата Петроварадин“, Римјаните изградиле утврдување, кое подоцна го реконструирале Унгарците и го одржувале Турците. Наспроти тврдината, од левиот, мочурлив брег на Дунав, по протерувањето на Турците, кон крајот на 17 век, Австријците изградија мост, а околу неа се појави населба за војници, занаетчии и трговци. На почетокот, населбата беше наречена Рацко (српско) село, а подоцна и Петроварадински Шанац. Кога населбата се зголемила, по крајот на војните на почетокот на 18 век, граѓаните желни за слобода успеале, со финансиски откуп од 80 000 форинти, да добијат статус на СЛОБОДЕН КРАЛСКИ ГРАД од царицата Марија Тереза, под име НОВИ САД. Тоа беше на 1.Февруари 1748 година.

  • СОМБОР

Во 14.век, на аристократскиот имот на унгарското семејство Цобор, се развило мало место, кое било во сопственост на аристократот Цобор Сент Михал. Денешниот град Сомбор го доби името по овој господар. Цобор Сент-Михал брзо се зголеми и напредуваше, што најдобро го потврдува фактот што повремено одржуваше собраниски седници на округот Бодрошка. Во 1541 година, Цобор Сент Михал бил окупиран од Турците. Во 1541 година, Турците го спомнуваат името Сомбор во својата документација наместо името Цобор Сент Михал. Во времето на турската окупација, Сомбор бил голем град, со градска тврдина и многу продавници. Имаше околу 2000 куќи, а Сомбор се сметаше за богат град. Поголемиот дел од населението биле Власи-христијани (Срби), а имало и Унгарци. Во 1554 година, Сомбор станува Нахијско седиште во Сегединскиот Санџак, на кој припаѓаа 46 населени места, а тој самиот беше воен, административен, судски, економски и верски центар за пошироката околина. Во тоа време, Сомбор имаше две медреси за ученици и текии за дервиши, 6 основни училишта, 2 гостилници за повремени патници и 1 амам (Турска бања). На 12.Септември 1687.година Сомбор бил освоен од Австријците. Во 1687 година, во Сомбор живееле 5.000 Буњевци, а во 1690 година во Сомбор живееле Срби под раководство на Арсениј Трети Чарнојевиќ. Тогаш Сомбор стана пограничен град и со својот воен одред помогна на битките кај Сланкамен во 1691.година и на Сента на 11.Септември 1697.година. Благодарение на овие битки, Сомбор стекна добра репутација и стана седиште на округот Бачка. Во 1702 година, Сомбор доби нов статус и стана „опидиум фосатум“ во рамките на Хабсбуршката империја. Во 1717 година, Сомбор стана „опидум милитаре“, а прв капетан на воениот град стана грофот Јован Бранковиќ. Истата година, во Сомбор е отворено првото верско православно училиште, а во 1722 година, римокатоличко основно училиште. Конечно – 150 000 Рајнски форинти во злато беа уплатени во кралските ризници и на 17.02.1749 година, царицата Марија Тереза ​​потпишува повелба со која Сомбор се искачува на ранг на слободни и кралски градови.

НАПОМЕНА : За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање. Организаторот на патувањето го задржува правото за измена на редоследот на поедини содржини во програмата.

  • Патувањето се одвива според новите пропишани протоколи за работа со туристички групи.

  • За ова патување не е потребен PCR тест.

  • За ова патување влезот во Р.Србија – покрај патната исправа, може да се оствари и со лична карта. Пасошот како и личната карта треба да важат минимум 3 месеци од денот на завршување на овој аранжман.

  • Патниците се должни во секое време да внимаваат на својата и безбедноста на сите во групата, како и да ги почитуваат дадените насоки и препораки за однесување во автобус од страна на организаторот.

  • Доколку дојде до непредвидена „виша сила“ за нереализирање на патувањето, поради новонастанати ситуации кои агенцијата не можела да ги предвиди, уплатените средства ќе бидат вратени на клиентот.

  • Доколку патувањето се реализира според планираното и нема никакви пречки за негова реализација, а дојде до откажување од страна на патникот, тогаш откажувањето ќе се реализира во согласност со општите услови за патување.

За отказ на резервација важат опшите услови, односно :


– за отказ до 30 дена пред патувањето се задржува 30% од сумата.
– за отказ 29 до 15 дена пред патувањето се задржува 50% од сумата.
– за отказ 14 до 5 дена пред патувањето се задржува 80% од сумата.
– за отказ 5-0 дена пред патувањето се задржува 100% од сумата.

Агенцијата го задржува правото за измена на редоследот на поедини содржини во програмата (застој во сообраќај, локални штрајкови, локали предупредувања, каснење на патници, непочитување на сатница закажана однапред од страна на агенцијата.

View More

Included/Excluded

  • Автобуски превоз на горенаведената релација
  • 2 НП во хотел со 4* во Нови Сад
  • разглед на Нови Сад со стручен водич, посета на Белград
  • ТРАНСФЕР на патници без надокнада од Прилеп, Кавадарци, Велес, Скопје и Куманово
  • организација, водство и реализација на аранжманот
  • Факултативните излети и посети
  • влезниците при посета на културно-историските споменици
  • патничкото осигурување (200,00 ден. – по лице)
  • трансфер на патници (Струга, Охрид, Ресен, Кичево) – доплата од 10 € по лице Полудневен излет и разглед со стручен водич на Сомбор – 20 € по лице (минимум 30 лица – препорака!)
  • вечера во Национален ресторан во Нови Сад – 15 € по лице

Tour's Location

Created with Sketch.
from €108,00

You might also like