БУДИМПЕШТА-ВИЕНА-СЕНТ АНДРЕА

Будимпешта – Kралица на Дунав, преполна со култура која освојува и заведува, преполна со романтични мостови и широки булевари, улички со калдрма, живописни куќи… Со спојувањето на трите града- Будим, Обуда и Пешта во 1873 год. настанала единствената Будимпешта, денес град со околу 2 милиони жители, административен, културен, научен, трговски и сообраќаен центар на Унгарија. Будимскиот дворец, авенијата Андраши со плоштадот на хероите и Милениумската подземна железница се прогласени за светско културно наследство под заштита на УНЕСКО. Ако сте љубители на уметноста, архитектурата и историјата Будимпешта е вистинскиот избор за Вас.

Програма

* БЕСПЛАТЕН трансфер од Битола, Прилеп и Велес

1 ден среда (23.10.2024) – СКОПЈЕ – БУДИМПЕШТА

Состанок со групата на Дрводекор во 18:00 часот, поаѓање во 18:30 часот. Ноќно патување преку Србија со попатни паузи за одмор и царински формалности.

2 ден четврток (24.10.2024) – БУДИМПЕШТА

Пристигнување во Будимпешта во утринските часови. Следува факултативен панорамски разглед на градот со водич: плоштадот на хероите, Парламентот, Кралската палата, Рибарската тврдина, Цитаделата, црквите Св. Стефан и Св. Матеј, улиците: Андраши, Ракоци и Ваци, мостовите на Дунав. Сместување во хотел, време за одмор. Вечерта се упатуваме на крстарење со брод на Дунав, преубаво искуство под прекрасните мостови со можност за единствен поглед од вода на најимпозантните објекти во Будим и Пешта. По крстарењето, враќање во хотел. Ноќевање.

3 ден петок (25.10.2024) – БУДИМПЕШТА–ВИЕНА

Појадок. После појадокот, целодневна факултативна посета на Виена. Градот на кој секогаш сите му се враќаат. Панорамски разглед на Виена – булеварот Рингштрасе, Операта, Парламентот, Музејот на модерна уметност, градската палата, Универзитетот, Катедралата Св. Стефан, Зимскиот дворец Хофбург, дворецот Шенбрун кој се наоѓа западно од Внатрешниот град (Innenstadt – името на првата виенска област), влезницата во дворецот не е вклучена во цената. По разгледот, следува слободно време за индивидуални прошетка низ центарот на Виена, ручек, шопинг… Во договореното време враќање кон Будимпешта. Ноќевање.

4 ден сабота (26.10.2024) – БУДИМПЕШТА-СЕНТ АНДРЕА-СКОПЈЕ

Појадок. Напуштање на хотелот за посета на Сент Андреа (задолжителна факултативна посета – 15 евра по лице). Сент Андреа е место познато по десетиците музеи, големиот број кафулиња, како и магичната атмосфера на уличките помеѓу куќите изведени во различни стилови, преполни со продавнички за ракотворби и сувенири. Поаѓање за Скопје со попатни паузи. Пристигнување во Скопје во раните утрински часови на 27.10.2024 (недела).

ПРОМО ЦЕНА: 139 ЕВРА / 7998 ДЕН. СО ЗАДОЛЖИТЕЛНА РЕЗЕРВАЦИЈА НА ПАКЕТ ФАКУЛТАТИВИ ОД 85 ЕВРА! (факултативите се плаќаат во автобус)

РЕДОВНА ЦЕНА: 159 ЕВРА / 9858 ДЕН.

Во цената е вклучено:
– Автобуски превоз на наведената релација
– 2 ноќевања со појадок во Hotel 3* во Будимпешта
– Организација на аранжманот и придружник на патувањето
– БЕСПЛАТЕН ТРАНСФЕР

Во цената не е вклучено:
– Разглед на Будимпешта со локален водич – 15 евра
– Посета на Виена (влезница во дворецот Шенбурн не е вклучена) – 40 евра
– Крстарење со брод по реката Дунав – 25 евра
– Посета на Сент Андреа – 15 евра (ЗАДОЛЖИТЕЛНА ФАКУЛТАТИВА)
– Задолжителна доплата за туристичка такса 2.5 евра по лице по ноќевање
– Патничко осигурување – 5 евра